Gilauman sa umaabot nga semana ang mas taas nga presyo sa fuel pump sumala pa sa Departament of Energy (DOE) niadtong Biyernes, Pebrero 14.
Sa pagkutlo sa mga banabana sa industriya, base sa internasyonal nga pamatigayon sa miaging upat ka adlaw, si Department of Energy-Oil Industry Management Bureau Assistant Director Rodela Romero miingon nga ang mosunod mao ang gibanabana nga mga adjustment sa mga produktong petrolyo nga ipatuman sunod semana:
Gasolina – usbaw sa P0.45 ngadto sa P0.75 matag litro.
Diesel – usbaw sa P0.30 ngadto sa P0.60 matag litro.
Kerosene – usbaw sa P0.15 ngadto sa P0.30 matag litro.
Dugang ni Romero nga ang gipaabot nga pag-usbaw mahimong “madasig sa nagkadaghang tensyon sa Middle East ug sa nagkakusog nga mga silot sa US ngadto sa Iran ug Russia.”
Bisan pa niini siya miingon nga ang katapusan nga mga pagbag-o matino pagkahuman sa katapusan nga adlaw sa pamatigayon karong semanaha.
Ang mga kompanya sa lana nagpahibalo sa opisyal nga ang price adjustment kay mahitabo sa Lunes ug mu-epektibo sa Martes.
