Misubay na sa bag-ong chapter sa ilang musical journey ang BGYO, ang boy group nga gitawag og “Aces of P-pop,” pinaagi sa pagpagawas sa ilang pinakabag-ong EP, ang “On Demand,” usa ka proyekto nga dugay nang gihimo ug nagpakita sa pagtubo sa grupo isip mga artists ug performer.
Sa gipaambit sa miyembro nga si Mikki, giingong dugay na sila kini nga gipangandoy diin niadto pang tuig 2024 uban ni member Nate.
Gibutyag sa singer nga daghang mga track nga gipakita sa “On Demand” — nga migawas niadtong Hunyo 4 — ang gihimo sulod sa taas nga panahon, diin ang grupo maampingong nagplano sa oras ug estratehiya sa pagpagawas.
Busa, dili masukod ang ilang kahinam ug gipaambit usab ang ilang gitinguha nga global ambitions nga ila usab karon nga gipaningkamutan nga makab-ot pinaagi sa ilang mga hinimo nga kanta.
