NATIONAL NEWS-Gidepensahan ni PCG spokesperson for the West Philippine Sea Commodore Jay Tarriela ang mga personnel sa ahensya human makadawat og negatibong komento sa social media tungod sa wala pagbalos sa pag-atake sa water cannon sa China Coast Guard.
Gitataw sa opisyal nga dili makiangayon nga tawgon sa pipila ka mga Pinoy ang mga PCG personnel nga talawan tungod lang kay wala mobalos og water cannon ang habig sa Pilipinas.
Sukwahi usab sa mga komento batok sa mga personnel sa PCG, si Tarriela nga ang mga sakop sa PCG nga maisogon sa pagpahibawo sa tinuod nga nahitabo sa West Philippine Sea kay kun ingnon pa sila nga mga talawan unta dili na sila mobutyag sa mga agresibong aksyon sa China sulod sa atong teritoryo.
Gihatagan og gibug-aton sa opisyal sa PCG nga bisan pa man sa kapeligrohan ug paghagit sa China Coast Guard, padayon gihapon ang pagpatrolya sa coast guard matag adlaw bisan og nasayod sila nga bombahan sila og water cannon, hasian ug ilang kinabuhi ang nakataya.
Hinungdan nga nanawagan si Tarriela sa mga Filipino nga hunongon na ang pagtawag sa mga sakop sa PCG nga talawan.
