‘OPLAN ISNABERO’ gipahingusgan sa LTFRB 7 subay sa umaabot nga adlaw sa Valentine’s Day

CENTRAL VISAYAS-Gipahingusgan sa Land Transportation Franchising and Regulatory Board Central Visayas ang ilang ‘Oplan Isnabero’ alang sa umaabot nga Valentines Day.

Gibutyag ni Eduardo Montealto, ang Regional Director sa LTFRB 7 nga aduna sila’y nadawat nga mga reklamo kabahin sa mga pipila ka mga pampublikong sakyanan sama sa taxi human nga magpasakay sila ‘per head’ o pares nga aduna silay susamang destinasyon.

Matud niini nga usa kini sa mga hagit sa ahensya gumikan wala sila masayod kung kinsa mismo ang ilang hatagan og show cause order hilabi na nga wala silay datos nga kuhaanan arun masubay nila kini.

Hinungdan nga magpahigayon sila og mga pagsusi sa mga pampublikong sakyanan lakip na ang mga terminal.