PROVINCE OF CEBU- Ipatuman na sa Kagamhanang Lalawigan sa Sugbo ang kaugalingon Solo Parents’ Affairs Office niini human naaprubahan ang bag-ordinansa nga nagtuman sa Solo Parents’ Welfare Act of 2000 (RA 8972).
Kini human nauyunan sa Cebu Provincial Board ang ordinansang gipanday nilang Mandaue Lone district Board Member Nilo Seno, 1st district Board Member Lakambini Reluya, ug 7th district Board Member Paz Rozgoni nga nag-ulohang “Cebu Province Solo Parents Affairs Office Ordinance.”
Ubos sa ordinansa, ang buhatan kay ubos sa pagdumala sa Provincial Social Welfare and Development Office (PSWDO) sa direktang suerbisyon sa Office of the Governor.
Nanghinaot kining mapalapad sa Kapitolyo ang kahibalo sa benepisyo sa RA 8972 nga kaniadto pang tuig 2000.
Sumala pa sa 2024 data sa PSWDO, ang Sugbo kay adunay 18,486 ka mga registered solo parents hinungdan sa pagmugna sa specialized office aron masulbad ang ilang suliran og maduso ang ilang katungod ubos sa balaod.
Pinaagi niini nga ordinansa, gihimug-atan sa Kapitolyo ang pasalig niini sa pagduso sa inklusibong paggamhanan ug pagprotektar sa kaayohan sa mga solo parents sa lalawigan.
