CENTRAL VISAYAS-Mokabat sa P10 milyones nga balor sa ilegal nga drugas ang nasakmit sa kapulisan sa Central Visayas sa gilusad nga anti-criminality campaign niadtong Mayo 28 hangtod Hunyo 3, 2023 nga miresulta usab sa pagkasikop sa 178 ka mga drug personalities.
Nasikop usab ang 276 ka mga tawo nga nasakpan sa sabong, swertres, ug hantak, ug uban pa, Nakuha gikan kanila ang bet money nga mokabat sa P34,690.
Ang usa ka semana nga operasyon nisangpot usab sa pagsakmit sa 111 ka walay lisensya nga armas ug tulo ka eksplosibo, gidakop ug gipasakaan og kaso sa korte ang 27 ka tawo.
Kabahin sa kampanya batok sa most wanted persons, ang kapulisan nakakuha og 86 ka mga indibidwal nga naa sa listahan.
Gipasalig sa kapulisan sa Police Regional Office-Central Visayas nga ang tanan nilang operasyon gihimo subay sa balaod ug polisiya sa Philippine National Police (PNP).
