Miduso ang executive department sa Cebu Provincial Government og P11.9 bilyones nga annual budget para sa tuig 2026.
Matud ni Cebu Governor Baricuatro, pinaagi sa post sa social media nga ang giduso nga budget niini usa ka realistic ug nahiuyon sa revenue capacity sa Probinsiya sa Sugbo, nga nagtinguha usab nga hunongon ang giingung “bloated” budgeting.
Ang maong budget mas ubos og 52.4 porsyento sa 2025 annual budget, nga P25 bilyones.
Gihulagway ni Baricuatro nga “bloated” ang maong kantidad ug impressive bisan pa sa kakuwang sa Kapitolyo sa pagkab-ot sa mga target nga kita niini.”
Ang maong alokasyon naggahin ug P1.3 bilyones alang sa pagpaayo sa ospital ug P1.45 bilyones alang sa mga proyekto sa imprastraktura.
Matod ni Baricuatro nga balanse ang pundo aron malikayan nga mapasagdan ang hugot nga healthcare system sa probinsiya.//
Igahin usab ang ubang bahin sa budget alang sa pagtukod sa mga relief warehouse sa Cebu Provincial Disaster Risk Reduction and Management Office sa mga dakbayan sa Carcar ug Danao.
Nakakuha usab og dakong bahin ang Provincial Nutrition Council tungod kay tumong ni Baricuatro nga pakunhuran ang gidaghanon sa malnutrisyon sa mga lungsod nga adunay taas nga prevalence.
Gikatakdang tukion ug aprobahan ang proposed 2026 budget sa Cebu Provincial Board.
