NEGROS ISLAND- Gikompirmar ni VISCOM Army Information Officer Lieutenant Colonel Israel Galorio, nga adunay 19 ka mga New People’s Army (NPA) ang nakalas subay sa nahitabong engkwentro niini tali sa 79th Infantry Battalion sa Philippine Army sa Brgy. Salamanca, Toboso, Negros Occidental.
Atol sa eksklsusibong pakighinabi sa Bombo Radyo Cebu news team kang Galorio, padayon gihapon sa kasamtangan ang recovery efforts ug ingun man ang hot pursuit operation sa dapit kung diin nahibato ang maong engkwentro.
Gidugang ni Galorio nga basi sa taho gikan sa komunidad, ang maong teroristang grupo nipahigayon og mga extortion activities, diin matod pa, sa susamang dagkong grupo, aduna kini plano nga mopahigayon usab og atrocities.
Dugang asoy ni Galorio, lakip sa inisyal nga nailhan na nila mao ang top leader sa maong grupo nga si Roger Fabillar alyas Jong, kinsa nailing notorious NPA leader sa Northern Negros Front.
Matod niya, si Alyas Jong aduna nay ubay-ubay nga record diin mao ang responsable sa pagpatay daghang sibilyan sa Escalante ug Toboso, Negros Occidental.
Busa, basi sa dapit kung diin nahitabo ang insidente, gilaoman na nga dili lang extortion activities ang gipahigayon niini, apan lakip na usab ang mga planong atrocities.
Subay niini, gitataw ni Galorio swerte gyud ug mapasalamaton sila nga komunidad usab mao ang nagtanyag ug mibutyag og mga impormasyon kabahin niini, diin nisangpot sa neutralization effort nga nahitabo.
