MANDAUE CITY-Gikwestiyon ni Mandaue City Vice Mayor Nerissa Soon-Ruiz ang budget sa umaabot nga Christmas Party sa kagamhanang dakbayan diin mikabat kini sa P16-milyones.
Atol sa pamahayag ni Vice Mayor Soon-Ruiz diin nangayo kini og katin-awan sa dako ra kaayo nga budget ug mipadangat kini og liham sa City Council Secretariat ug Human Resource Department aron sa pagtuki kung pipila ka mga empleyado sa kagamhanang dakbayan ang musalmot sa “Pasko sa Mandaue” diin adunay pasaad sa paghatag og tinagsa nga ham.
Gawas sa ham nga ipang apod-apod kay mugasto pud kini sa mga pagkaon ug sa mga gasto sa pasundayag.
Gipadayag ni Vice Mayor Soon-Ruiz nga musobra ang sugyot nga budget kung igahin lang kini sa 3,000 ngadto sa 4,000 ka mga empleyado sa kagamhanang dakbayan gawas nalang kung nanawat ang kasamtangang administrasyon og dugang nga mga empleyado./
