CEBU CITY-Arestado ang 28-anyos nga residente sa Brgy. Suba human nadakpan sa buy-bust operation sa Abellana Police Station 2, Cebu City Police Office sa Sitio Lower Kawayan sakop sa Brgy. Sambag 2 ning dakbayan sa Sugbo.
Ang naasoy nga operasyon gipanguluhan ni PCPT Marl Don Alfred Leanza, diin gitumbok niini ang suspek nga usa ka High Value Individual nga makabaligya og 50 gramos sa gitouhang illegal nga drogas.
Mokabat sa P60,000 ang nakuha nga buy-bust money ug ang 500 gramos ang timbang sa illegal nga drugas nga adunay Standard Drug Price nga P3.4 milyones.
Nasayran nga ang malampuson nga anti-illegal Drug Operation mosangpot sa pag-atubang sa suspetsado sa kalapasan sa Section 5 ug 11 Article II sa R.A. 9165 Comprehensive Dangerous Drugs Act of 2002.
Sa pikas bahin, nipasalig ang Cebu City Police Office sa publiko nga magpabiling hugot ang buhatan sa kampanya batok sa ilegal nga drugas.
