TALISAY CITY-Mukabat sa 46 ka mga durugista ang nasikop atol sa one-time- bigtime operation nga gipahigayon sa Talisay PNP ug Cebu Provincial Police Office (CPPO) sa Brgy. Tabunok, Brgy. San Roque ug Brgy. Tangke sa dakbayan sa Talisay.
Matud ni PCol. Roderick Mariano, ang Cebu Provincial Police Office (CPPO) director sa dihang nahinabi sa Bombo Radyo Cebu nga 17 sa mga nadakpan ang mga high value target.
Gibana-bana nga mitimbang sa 800 gramos ang nasakmit nga shabu ug mukabat sa 5 million pesos ang DDB value niini.
Gibutyag usab sa provincial director nga duna na silay initial information nga nakuha sa mga dinakpan kung diin gikan ang maong mga shabu butang nga padayon usab nila nga giimbestigaran.
Samtang, giisip ni Mariano nga usa kini ka ‘good thing’ bisan paman og daw sama nga dili mahurot ang shabu gumikan kay sa pagkakaron mao nga daghan na sila og nadakpan, gumikan sa pagtabang sa komunidad.
Wala na matud pa mahadalok ang publiko nga mureport sa kapulisan butang nga gipanghinaot sa director nga magpadayon.
