-- ADVERTISEMENT --

Nagtanyag ang Department of the Interior and Local Government (DILG) og ganti nga P50 ka milyones alang sa dinaliang pagdakop kang Senador Ronald “Bato” dela Rosa.

Matod ni Interior Secretary Jonvic Remulla, ang maong senador—nga karon usa ka pugante—giisip nga armado ug delikado.

Dugang pa niya nga gihimo nila ang tanang paagi aron mahitabo ang malinawong pagsurender, aron malikayan ang bisan unsang dugoon nga komprontasyon.

Ang pondo kuhaon gikan sa intelligence budget sa Philippine National Police (PNP) ug sa DILG.

Karong Nobyembre nagtimaan sa unang anibersaryo sukad gi-isyu sa International Criminal Court (ICC) ang warrant of arrest batok sa senador—kinsa nagsilbi kaniadto isip hepe sa Philippine National Police (PNP) ubos sa administrasyon ni kanhi Presidente Rodrigo Duterte—may kalabotan sa mga krimen batok sa (crimes against humanity) nga nalambigit sa dugoon nga kampanya sa administrasyon batok sa ilegal nga droga.

-- ADVERTISEMENT --

Samtang sa pikas bahin, gihatagan ni Philippine National Police (PNP) Chief, Police General Jose Melencio Nartatez Jr., si Senador Ronald ‘Bato’ Dela Rosa og ultimatum nga usa ka semana aron motahan.

Dugang pa ni Nartatez, nagpadayon gihapon ang pagpangita sa senador nga giisip karong pugante, bisan pa man kon aduna bay gitakdang ganti o wala.