Gipirmahan na ni Presidente Ferdinand Marcos Jr. ang Executive Order No. 118, nga nagtakda og price ceiling nga P50 kada kilo alang sa imported nga bugas.
Ingon man nga molungtad og 30 ka adlaw, gawas kon bawion sa Malacañang og sayo, basi sa rekomendasyon sa National Price Coordinating Council (NPCC).
Kini nga lakang sa gobyerno nagtumong sa pagsiguro nga walay mopahimulos sa presyo sa bugas, ug aron masiguro ang pagkaanaa sa barato nga bugas sa merkado, samtang gipadayon ang kalig-on sa merkado.
Ang NPCC gitahasan sa pagpahigayon og pagrepaso, human sa 15 ka adlaw, mahitungod sa pagpatuman sa price ceiling, ug pagrekomendar sa Presidente kung kini kinahanglan ba nga ipadayon, i-adjust, o tangtangon depende sa sitwasyon sa merkado.
Ang Department of Trade and Industry (DTI) ug ang Department of Agriculture (DA) gitahasan sa pag-coordinate sa DILG alang sa estrikto nga pagpatuman sa price ceiling.
Ang nahisgutang mga ahensya kinahanglan usab nga magmonitor sa pagsunod ug mag-imbestiga sa bisan unsang mga kalainan sa presyo.
Mahinumduman nga ang rekomendasyon nga magtakda og price ceiling sa imported nga bugas gihimo human sa pagtaas sa gasto sa pagpadala ug mga input sa umahan tungod sa global nga tensyon, nga nagpataas sa mga kabalaka bahin sa posibleng pagpangwarta sa lokal nga merkado sa bugas.
