Makadawat ang mga casual ug job order workers sa gobyerno sa Dakbayan sa Sugbo og tag-P7,000 isip gratuity sa panahon sa Pasko.
Human kini giaprobahan sa Konseho sa Dakbayan ang Supplemental Budget No. 3 (SB-3) diin ang siyudad ang mokuha sa yearend incentive, nga mag-andam sa pagpagawas niini.
Giklaro ni Cebu City Mayor Nestor Archival nga ang insentibo dili usa ka Christmas bonus, apan kini usa ka gratuity pay nga hugot nga nagsunod sa mga regulasyon sa nasud nga nagdumala sa mga benepisyo alang sa mga dili regular nga trabahante sa gobyerno.
Gidugang sa mayor nga dili sila gitugotan nga mohatag og mga bonus sa mga job order worker inay nagtanyag sila og gratuity, diin subay sa giingon ni Presidente Marcos nga adunay P7,000 nga magamit.
Gipasabot sa mayor nga ang siyudad sa sinugdanan nagpahibalo og P5,000 nga insentibo. Apan nakahukom kini nga modugang og P2,000 sa kantidad aron moabot og P7,000 nga gratuity pay nga gitugot ni Presidente Ferdinand Marcos Jr. ubos sa Administrative Order (AO) No. 39.
Nangayo usab og pasaylo si Archival sa sayo pa nga paggamit sa termino nga “bonus,” nga nagpasiugda nga ang siyudad wala gyud tuyoa nga magpahisalaag sa mga trabahante.
Ingon man nga nalipay kini nga giaprobahan sa konseho ang Supplemental Budget 3.
