Gibutyag sa Kontra Daya Convenor nga si Professor Danilo Arao, nga kinahanglan gayud nga kuwestiyunon sa kagamhanan ang pagdawat ni Sen. Rodante Marcoleta og minilyon nga donasyon gikan sa mga pribadong indibidwal hilabi na nga wala kini malakip sa record sa iyang gideklarang
Statement of Contributions and Expenditures (SOCE) sa nakalabay nga eleksyon.
Matud ni Arao, nga bug-at gayud ang giatubang nga kaso ni Sen. Marcoleta gumikan kay ang iya mismong mga pamahayag ang nahimong ebidensya sa kasong “Pluder og Indirect bribery” nga gipasaka sa Ombudsman batok kaniya tungod sa pagdawat og P75 Million nga donasyon sa kinalasang eleksyon.
Gipasabot niini nga ang pagfile sa SOCE kinahanglang matinud-anon ang pagbutang niini gumikan anaa kini sa nakalatid sa mismong pagfill-out niini ug kung dili kini ang mga lehitimong mga record mamahimo gayud nga makasuhan ang usa ka kandidato o opisyal.
Dugang ni Arao, nga adunay limitasyon ang paggasto sa mga kandidato panahon sa eleksyon, diin anaa lang sa P8.00 ang magasto alang sa mga kandidato sa local samtang P10.00 sa mga National candidates base sa eleksyon guidelines, samtang ang mga sobra nga gasto o wala magasto panahon sa eleksyon kinahanglang gihapong ideklarar.
