Naugdaw ang duha ka andana nga balay paabangan human kini gikaon sa sunog pasado ala 1:00 sa hapon, Enero 30 sa Sitio Colo, C. Padilla, Barangay Mambaling Dakbayan sa Sugbo.
Giisa sa 2nd alarm ang mitumaw nga sunog tungod sa kahagip-ot sa dalan uh nahimutang sa interior nga bahin sa maong dapit.
Gikataho nga muabot sa 28 ka mga indibidwal ang naapektuhan sa sunog nga pulos nag-abang sa maong balay.
Matud ni Jhoenida Calumpag, ang Administative 2 sa DSWS, 5 ka panimalay ang partially burned og 27 ka mga pamilya ang naapektuhan og kasamtangang nag-istar sa Gymnasium sa Barangay Mambaling.
Matud sa inisyal nga imbestigasyon, kalit nga nibuto sud sa usa ka kwarto sa ikaduhang andana diin gituohan nila nga usa kini ka ‘ceiling fan’ nga wala na pawng.
Wala hinouy gikataho nga naangol o nakalas sa panghitabo human nga nakagawas ra tanang boarders nga anaa sa maong panimalay.
Sa pagkakarun, padayon gihapon ang lawom nga imbestigasyon sa kabomberohan samtang gipahiluna na sa Mambaling Gym ang mga apektado og magpahigayon usab og final validation alang sa mga naapektohan.
