Gitangtang na sa Philippine Air Force (PAF) ang ilang grounding sa 11 ka nahabilin nga FA-50 fighter jets.
Kini nunot sa pagkahagsa sa FA-50 fighter nga mipatay sa duha ka piloto sa probinsiya sa Bukidnon.
Matud ni Col. Ma. Consuelo Castillo nga sukad niadtong Marso 25, ang ilang FA-50 anaa na sa full operational status.
Kahinumduman nga niadtong Marso, nakahukom ang PAF nga temporaryong i-ground ang nahabiling 11 ka FA-50 tungod sa padayong imbestigasyon sa kamatayon sa duha ka piloto nga sila si Major Jude Salang-Oy ug First Lieutenant April John Dadulla nga nahagsa sa Mt.kalatungan sa Bukidnon.
Diin ang insidente niadtong Marso 4 maoy unang natala nga aksidente sukad ang gobyerno mipalit og 12 ka FA-50 fighter jets gikan sa Korea Aerospace Industries (KAI).
Gikataho nga anaa na sa ‘final stage’ ang imbestigasyon nga ilang gihimo.
