Gipalapdan ni Atty. Rameses Victorius Gatchalian Villagonzalo nga bisan kon naestablisar sa kampo sa usa ka partido ang existence, due execution, ug sakto nga pagtipig (proper custody) sa Statements of Assets, Liabilities, and Net Worth (SALN) sa Bise Presidente, dili gihapon kini awtomatikong nagpasabot nga adunay personal nga kahibalo ang testigo sa mga detalye sa sulod niini.
Sumala ni Atty. Villagonzalo, ‘given’ na nga walay personal knowledge ang witness o ang nag-authenticate kon giunsa paghimo o pagpasa ni VP ang mga entry sa iyang SALN, o kon unsa ang mga eksaktong propedad ug negosyo niini.
Apan, gitataw niya nga ang maong testigo nakahimo gihapon sa pag-authenticate nga ang mga gipresentar nga dokumento kay tinuod ug certified true copies nga opisyal nga nadawat sa ilang sentral nga opisina.
Dugang pa sa abogado, tungod kay ang mga dokumento nadawat na ug giisip nga “good as filed” sa central office, giisip na kini nga opisyal ug dili na basta-basta nga pwede ma-amend o ma-usab.
Sa pikas bahin, gikuhaan og habig si Atty. Villagonzalo kalabot sa reklamo nga gipasaka sa Department of Justice batok kang Senator Robin Padilla Senador tungod sa giingong paglapas sa Presidential Decree No. 1829.
Pagpasaboy niini nga adunay igong legal nga basehan ang DOJ sa pagpasaka og kaso tungod sa nagpabiling valid ug existing nga arrest warrant gikan sa International Criminal Court (ICC).
Sumala ni Villagonzalo, husto ang panan-aw sa kampo ni Senator Robin Padilla ug Senator Ronald “Bato” dela Rosa nga walay nag-unang kaso batok kanila sa lokal nga hukmanan sa Pilipinas. Apan dili kini awtomatikong nagpasabot nga nakalapas ang DOJ sa balaod. Tungod sa sakto ug nag-unang warrant gikan sa ICC, anaa sa hurisdiksyon ug assessment sa DOJ ang pagdetermina kon adunay prima facie evidence ug reasonable certainty of conviction aron ipadayon ang pagpasaka og kaso.
