Cebu City– Gitu-uhan ni Atty Salvador Panelo, ang President Chief Legal Counsel, nga gumikan sa mga sunud-sunud nga pagpatay sa mga menor de edad hinungdan nga mikunhud ang satisfaction rate ni Presidente Rodrigo Duterte.
Matud ni Panelo nga daghan sa mga tawu karun ang naghatag ug mga reaksyun sa kamatayun sa mga menor de edad subay sa kampanya batok iligal nga drugas. Dugang pa nga wala’y kalambigitan ang mga alegasyun ni Sen. Antonio Trillanes IV sa pagkunhud sa satisfaction rate sa presidente ug gani giingung mi-gara lang ang nahisgutang senador gumikan kay gihatagan usab ug pagtagad sa media.
Gihulagway pa niini nga ‘wishful thinking’ lang ang gipadayag sa mga kritiku nga mapukan ang Duterte administration.
Nagkanayun si Panelo nga gipadaku lang sa mga kritiku ang mao nga survey apan giingung wala man kini epekto ni Presidente Duterte hayan nagpadayun lang sa gihapun kini sa iyahang trabaho isip pangulo sa nasud
