CEBU CITY – Sugdan na sa kagamhanan sa dakbayan sa Sugbo ang pagpamakuna sa mga menor de edad nga nagpangedaron og singko ngadto sa 11 anyos karong Miyerkules, Pebrero 16, 2022.
Sigon pa ni Dr. Jeffrey Ibones, pangu sa Cebu City Health Department, nga ipanghatag ang libreng bakuna sugod alas 9 sa buntag sa duha ka mga lugar — Abellana National School gym ug Ayala Center Cebu.
Kapin sa 7,000 ka mga indibidwal sa maong age group nga gustong mo-avail sa libreng bakuna ang nakarehistro na sa Pabakunata.com.
Samtang, gusto usab ni Cebu City Mayor Michael Rama nga himuon ang pagbakuna sa matinahuron nga paagi aron komportable ug relaks ang mga bata.
Gipahinumdoman sa CHD ang mga ginikanan nga magdala og birth certificate o identification card (ID) sa bata.
Kinahanglan usab nga magdala ang ginikanan sa ilang kaugalingong identipikasyon.
Ang guardian nga nag-uban sa usa ka bata kinahanglan adunay pagtugot gikan sa mga ginikanan.
Bisan pa, gidasig nga adunay labing menos usa ka ginikanan aron mahatagan ang labi ka maayong impormasyon sa kahimsog bahin sa bata.
Giawhag usab ni Ibones ang mga ginikanan nga magdala ug pagkaon alang sa ilang mga anak tungod kay ang mga bata mahimong gutomon o makalaay samtang naghulat sa linya.
