CEBU – Walay rason arun nga ibalik ang 1935 constitution subay sa sugyot ni Juan Ponce Enrile, ang presidential chief legal adviser.
Kini ang gibutyag ni Atty. Amando Ligutan, UP Diliman College of Law professor, diin giingong dili mahimo nga magamit ang usa ka karaan nga solusyon alang sa bag-o nga problema sa nasud.
Matud pa, namugna ang kasamtangan nga 1987 Constitution gumikan sa kalapasan nga nahimo sa kanhi presidente nga si Ferdinand Marcos, Sr. niadtong panahon sa Martial Law.
Giingong tuyo nga gipanday ang kasamtangan nga Konstitusyon arun sa pagsiguro nga wala na’y musunod nga diktador sa Pilipinas, hinungdan nga dili na mahimo nga ibalik pa ang 1935 Constitution.
Hinuon, gihimug-atan ni Atty. Ligutan nga dili na bag-o ang Charter Change gumikan kay sa matag adunay bag-ong presidente, mabuhi gayud ang maong hisgutanan diin tataw nga dili na gustong mupahawa sa posisyon, butang nga usa ka dakong kontra sa demokrasya sa nasud.
