Nagtinguha nga ipasiugda ni Senate President Chiz Escudero ang usa ka special provision sa gisugyot nga 2025 budget arun idili ang pagbutang sa mga nawong sa mga politiko sa tanan nga mga proyekto sa gobyerno.
Matod ni Escudero, partikular nga gidili ang pagbutang sa nawong ug ngalan sa mga politiko sa mga proyekto nga gipundohan sa gobyerno sama sa mga dalan ug hinabang.
Diin si Escudero maoy co-author sa Anti Epal Bill nga gipasiugdahan ni kanhi Senador Miriam Defensor Santiago.
Matod niya nga taas pa ang proseso kon ilang i-advance ang bag-ong proposal, busa mas makahuloganon ug dali kon iapil nalang kini isip special provision sa general appropriations act (GAA).
Nagtuo usab ang lider sa Senado nga dili kini madeklarar nga unconstitutional tungod kay sagad sa mga magbabalaod magbutang og espesyal nga probisyon sa GAA.
