Gikompirmar sa PAGCOR nga ilang gi-verify ang impormasyon kalabot sa giingong kanhi hepe sa National Police nga nitabang sa gitaktak nga si Bamban, Tarlac Mayor Alice Guo aron makagawas sa nasod.
Kini bisan pa sa gipahamtang nga hold departure order batok sa kanhi mayor.
Ang opisyal sa PAGCOR nga si Raul Villanueva mihimo sa maong kumpirmasyon atol sa pagdungog sa ilegal nga operasyon sa POGO sa nasod.
Kini maoy gitutokan sa pangutana ni Senador Risa Hontiveros ngadto sa opisyal sa PAGCOR.
Nangutana ang senador kung aduna ba’y posibilidad nga opisyal sa gobyerno ang mitabang nila ni Alice Guo ug kauban sa pag-ikyas sa nasod dala ang dakong kantidad.
Gihisgutan usab ni Villanueva nga posibleng nalambigit usab ang pipila ka dagkong opisyal sa imigrasyon basi sa ilang nahipos nga intel.
