Gikinahanglan na ang pagdugang sa suholan sa mga mamumuo sa Pilipinas subay sa kanunay nga pagsaka sa inflation.
Gipasabot ni Atty. Jonathan Capanas, usa economic professor, nga magpadayon ang inflation gumikan sa hinay nga produksyon ug sagad sa mga gikunsomo sa mga Pilipino kay ang mga materyales ug produkto gikan pa sa laing nasud.
Matud pa, ang pag-import ug mga produkto ug ang kanunay nga pagsaka sa presyo sa lana ang dakong rason sa pagsaka sa presyo sa mga nag-unang palaliton.
Giingong dako kini nga epekto alang sa mga mamumuo diin mao kini ang sektor nga labing naglisod sa pagsaka sa inflation ilabi na ug dili pa-igo ang sweldo.
Subay niini, gihimug-atan ni Atty Capanas nga angayan na ang dugang nga suholan sa mga mamumuo sa nasud arun nga maka-apas sa kataas sa presyo sa mga palaliton.
