Gibutyag ni Ka Bino Guerrero, usa ka Herritage Advocate nga mahinungdanon ang pahinumdom sa adlaw sa mga bayani o ang National Heroes Day alang sa paghinumdom sa tanan nga mga bayani inila man o dili.
Sumala ni Guerrero atol sa eksklusibong pakighinabi sa Bombo Radyo News Team, ang kabayanihan makita sa nagkalain-laing lebel—gikan sa pamilya, barangay, hangtod sa lungsod.
Matud pa niya, ang matag sakripisyo ug kontribusyon alang sa kagawasan ug kaayohan sa komunidad angay hatagan og pag-ila ug pagtagad.
Gipasabot usab ni Guerrero nga ang pagngalan sa mga kalsada ug pampublikong lugar sunod sa mga lokal nga bayani, sama nila F. Llamas ug F. Ramos, usa ka paagi aron mapabiling buhi ang ilang handumanan ug mas mailhan ang ilang kontribusyon sa kasaysayan.
Pinaagi niini, ang mga maglatas ug mogamit sa maong mga lugar matag adlaw mapahinumdoman sa ilang mga ngalan ug mahimong maengganyo sa pagpangutana ug pagkat-on bahn sa ilang mga nahimo alang sa komunidad ug nasud.
