Gikabutyag ni Atty. Arvin Odron, ang Regional Director sa Commission on Human Rights, nga ang procedure sa ICC kabahin sa Confirmation of Charges ni Former Philippine President Rodrigo Duterte sa kasong giatubang niini nga Crimes Against Humanity masusama ra sa procedure dinhi sa nasud.
Gidugang ni Odron nga parte gihapon kini sa due process nga tagaan og kahigayonan ang respondent nga makakomento ug dili kini ‘one way’ nga ang prosecution mao ray basehan sa kung unsa ang ebedinsyang anaa sa rolling sa mga judges.
Mao kini ang gikabutyag ni Atty. Odron atol sa ekslusibong pakighinabi sa Bombo Radyo Cebu Newsteam, diin iyang gidugang nga parte kini sa Universal Standard nga bisan paman ang mga accused o respondents, tugyanan og kahigayonan nga madungog, hinungdan nga adunay gitawag nga “Confirmation of Charges.”
Samtang, gitino ni Odron nga bag-ohay lang, adunay gisumite ang ICC og co-perpetrators diin ang katong mga ginganlan nga mga personalidad sa ICC, ubos pa sa subject for evaluation sa mga miyembre sa juddges, ug kung ugaling adunay makita nga sufficient evidences, dinha na nga mapareho gihapon kini pag una sa issuance of warrant of arrest batok sa kanhi Presidente.
Apan, giklaro ni Odron nga parte kini sa submission of prosecution nga nagpasabot, gikinahanglan pa kining e-evaluate sa judges sa ICC.
