CEBU CITY — Midangop sa Cebu Provincial Capitol ang gatusan ka mga Paglaum Scholars aron hangyoon si Governor Gwendolyn Garcia nga ipadayon ang scholarship program.
Kini human nga apektado ang scholars gikan sa public ug private school human nga nag-ilis ang adminitrasyon ug napapas ang Paglaum scholars gikan sa nakalabay nga administrasyon.
Nasayran nga wala makuha og transcript of records ang sagad sa mga scholars gumikan kay, matud pa, wala gibayad sa Provincial Government ang ilang mga tuition fees.
Gitataw ni Provincial Board Member Christopher Baricuatro nga wala nahanaw ang Paglaum Scholarship gumikan kay nalakip kini sa bag-ong programa, nga mao ang Grants Intended for Teritiary Students o CP-GITS sa Cebu Provincial Gobernment.
Matud ni Baricuatro, kinsa nga chairman sa Committee on Education, nga padayong gihan-ay ang mga rekisitos ug lagda alang sa maong programa.
“As per instructions ni Gov., only paglaum scholars who are graduating this school year ang mapadayon. Also, the province will pay for those who already graduated but wala pa sila kakuha sa ilang TOR,” dugang pa sa board member.
Hinungdan nga nangayo sila og pagsabot gikan sa mga Paglaum scholars kinsa midangop sa kapitolyo.///
