CEBU CITY — Gihulagway ni City Market Administrator Junel Matugina nga isolated case lang ang nahitabo nga pagpamaligya ug baho nga mga kasag sa Pasil fishport, sa dakbayan sa Sugbo.
Kini nunot na sa usa ka post sa social media diin mireklamo ang usa ka customer kinsang nga nakapalit og baho nga kasag sa maong merkado.
Gihulagaway sa reklamante nga, matud pa, susama sa Badjao ang hitsura sa namaligya.
Dali nga gi-aksyonan sa City market ug didto naaktuhan ang upat ka mga lalaki nga namaligya niini ug napamatud-ang mga Badjao ang mibaligya sa maong kasag.
Matod ni Matugina nga dili mga lehitimo nga mamaligyaay dinha sa Pasil fishport ang nahisgutang mga lalaki.
Usa sa mga modus sa upat mao ang pagpang-display sa mga lab-as nga kasag ug kun aduna nay mopalit ilisan kini og dili maayong kalidad sa kasag.
Mapasalamaton si Baja nga dali naabot kaniya ang report hinungdan nga na-aksyonan dayun.
Gisiguro usab niini nga ang Pasil fish market nagpabilin nga barato ug palitanan sa mga presko nga isda.
Sa laing bahin, 53 ka timbangan ang nakompiska ngadto sa carbon market ug pasil market nga mga walay sticker gikan sa treasurer’s office ug mga tikasan nga timbangan.
Gihingusgan sa market administrator ang pag monitor kabahin niini kung diin matod pa aduna gihapoy mga mamaligyaay ang wala napul-an sa pagmulta ug 500 pesos kabahin sa mga tikasan ug gubaon nga tibangan. (Lahvi Quiñones)
