DAVAO CITY-Gipalagan sa mga taga-Kingdom of Jesus Christ (KOJC) nga adunay mga giingong dili katuohang pulis nga gipasulod sa ilahang compound sa nagpadayon nga pagpangita kang Pastor Apollo Quiboloy aron sa pagsilbi sa warrant of arrest.
Gikwestyon sa mga miyembro ni Quiboloy ang presensya sa mga lalaki nga nagsul-ob og dili kumpleto ug improper nga PNP athletic uniform.
Ingon man nga gikatingad-an nila nganong bata ug tigulang ra usab kaayo kini.
Sa mga gi-post nga photos online sa ilahang media outlet nga gipaambit sa mga netizens nga dili mao ang prescribed shoes sa PNP athletic unform, wala’y medias ug nakapurong sa ulo nga tataw nga wala nahisubay sa protocol sa kapulisan sa tukmang pagsul-ob sa uniporme.
Ug gidudahan kini nga gikan sa Davao De Oro nga mga minero.
Una na usab niing gi-kwestyon ang usa ka kanhing myembro nga gigamit sumala pa sa mga otoridad pinaagi sa pagpasul-ob ug uniform sa pulis nga unang gigamit sa senado atol sa pagdungog nga giila nga usa ka Eduard Masayon alyas Jackson.
Sa karon wala pa’y gipaguwa nga pahayag ang kapulisan kalabot niini.
