Gisaway sa Roman Catholic Church sa tibuok kalibutan ang mga pagtibhang ni Presidente Donald Trump sa mga foreign aid sa US ug miingon nga ang iyang plano nga tapuson ang pondo alang sa ahensya sa hinabang nga USAID adunay “makadaot” nga epekto sa nag-uswag nga kalibutan.
Matud sa Caritas Internationalis, usa ka Vatican-based confederation of 162 Catholic relief, development and social services organisations nga nagtrabaho sa kapin 200 ka nasud nga ang walay kaluoy ug kaguliyang nga paagi nga gipatuman kay hulga sa kinabuhi, dignidad sa milyon-milyong tawo.
Ubay-ubay niining mga grupoha ang nakadawat og kuwarta gikan sa USAID ug uban pang pondo sa gobyerno sa US alang sa nagkalain-laing internasyonal nga mga programa.
Ang U.S. Agency for International Development mao ang nag-una nga humanitarian aid nga ahensya sa Washington diin kini ang nag-una nga target sa usa ka programa sa pagkunhod sa gobyerno nga gipangunahan sa bilyonaryo ug kaalyado ni Trump nga si Elon Musk sukad nga ang presidente sa Republikano milingkod sa katungdanan niadtong Enero 20.
Dugang sa Caritas nga ang mga pagtibhang kay moresulta sa pagkamatay sa milyon-milyon nga mga tawo ug magkondenar sa gatusan ka milyon pa sa mga kinabuhi sa dili-tawhanong kakabus.
