Girespeto sa Malacañang ang desisyon sa House Committee on Justice nga ideklarar ang duha ka impeachment complaints batok kang Presidente Ferdinand “Bongbong” Marcos Jr. nga igo sa porma.
Sumala ni Palace Press Officer USec. Claire Castro, kini kabahin sa proseso nga kinahanglan respetuhon.
Dugang niya nga masaligon ang Presidente nga ang mga reklamo dili igo na ang substansiya.
Ingon man nga masaligon ang Presidente tungod kay wala siyay nahimo nga bisan unsang paglapas sa balaod o bisan unsang impeachable offense.
Gibutyag ni Castro nga kung nabalaka siya, dili kini alang sa iyang kaugalingon apan alang sa epekto sa impeachment sa ekonomiya.
Gitawag sa Palasyo nga dili importante ang pahayag sa Makabayan bloc nga si Pang. Marcos ang pinakadako nga isda sa organisadong pagpangawkaw.
Sumala ni Castro, sayon ra ang pagsulti atubangan sa media o sa camera apan ang lisod mao ang pagpamatuod sa mga pasangil
