CEBU CITY-Dako ang kalipay sa pamilya ni Filipino Weightlifter ug Olympian, John Febuar Ceniza, sa iyang duwa sa Weightlifting event sa Paris Olympics 2024 nga ipahigayon karong adlawa sa France.
Unang naka-qualify si Ceniza sa Paris Olympics dihang nakadaog siya sa International Weightlifting Federation World Cup sa Thailand niadtong Abril 2 ning tuiga.
Sa interbyu sa Bombo Newsteam kang Monette Ceniza, igsuon ni John diin gisuportahan sa tibuok pamilya ang iyang igsuon tungod kay kausa lang makakuha og kahigayonan ang usa ka atleta nga makaduwa sa Olympics.
Bisan paman, nanawagan gihapon sila nga suportahan dili lang si John Ceniza kon dili ang tanang mga atleta nga Pinoy nga nagdamgo nga makadaog og medalya dili lang para sa ilang kaugalingon kon dili para sa nasud.
