CEBU CITY-Gikinahanglan nga protektaran sa komunidad kauban ang local government unit nga dili magumon sa bisyo ang mga kabatan-onan diin magdala kanila sa pagbuhat ug krimen.
Gibutyag ni Cebu City Councilor Atty. Rey Gealon, nga importante ang papel sa local government unit sa paglikay sa mga kabatan-onan kinsang sagad gamiton sa pagbuhat ug krimen.
Matud pa, mahimong magpahigayon ug programa ang LGU sama sa mga summer workshop, sports o paghatag ug mga summer jobs arun nga aduna kini sila’y kalingawan ug malikay ang ilahang atensyon gikan sa pagbuhat ug dautan.
Gidugang ni Atty. Gealon nga mahimo usab nga magpahigayon ug mga sports activities sama na lang sa mga summer league nga naglangkob sa basketball ug uban pa nga malingaw ang mga kabatan-onan ug dili mahimong badlungon sa katilingban.
Kini ang pamahayag sa konsehal human sa pipila ka mga nahitabong pagpangawat, pagpanulis ug pagpamusil diin nalambigit ang mga menor de edad sa maong dautan nga binuhatan.
