CEBU – Pasakaan og kaso sa kapolisan karong umaabot nga Martes, Agosto 30, 2022 ang usa ka residente sa dakbayan, kinsa ni-post og wala matino nga taho sa iyang Facebook account niadtong Agosto 25, 2022, mahitungod sa insidente sa Barangay Cansojong sa naasoyng Dakbayan.
Kini ang gibutyag ni Police Lieutenant Colonel Randy Caballes, hepe sa Talisay City Police Station, nga ila pang gi-finalize ang gikinahanglang mga dokumento sa pagpasaka og reklamo batok sa usa ka babaye.
Sa iyang Facebook post niadtong Agosto 27, 2022, ang maong residente, nag-post og public apology nga miangkon nga ang iyang gi-post niadtong Agosto 25, wala ma-verify Nangayo usab siya og pasaylo nga nakahatag og kalisang sa mga Talisaynon.
Matud pa ni Caballes nga angayan kining magsilbi nga pahimangno sa tanan nga dili magbutang og unverified information sa ilang social media accounts.
Gitumbok ni Caballes ang nahitabo sa Barangay Cansojong, diin ang maong nag post, kinsa sakay sa motorsiklo, niadtong tungora, niagi sa usa ka babaye nga nagsiyagit, Bisan pa, wala pa matino kung kini usa ka kaso sa kidnapping o kung ang babaye adunay usa ka away sa usa ka tawo.
Imbes nga pamatud-an kini, si Caballes niingon nga ni-post noon sa online nga ‘naay kidnapping nga nahitabo.’
