Na-trick or treat ang mga sakop sa Pasig City PNP sa kaulohan human nila girespondehan ang giingong chop-chop victim sa syudad.
Kini human nga madiskubrehan sa kapulisan nga usa diay kadto nga props alang sa usa ka Halloween party.
Nakadawat ang Pasig City PNP og report gikan sa nagpailang concerned citizen diin, matud pa, nangakatag ang patayng lawas sa Ilang-Ilang Street sa Brgy. Santa Lucia.
Sa dihang miresponde ang otoridad, nasayran nila nga props diay ang maong chop-chop nga lawas alang sa Halloween Party.
Matud sa kagawad nga si Iric Balog nga wala niya gitago dayon ang iyang hinimo nga props gumikan kay nagkaon pa kini.
Kung mahulagway ang maong props, gipasuot og maong pants ug rubber shoes ang ubos nga bahin sa mannequin ug gibutngan pa kini og dugo.
Tungod niini, nangayo og pasaylo si Balog sa kapulisan human nga ma-false alarm.
