CEBU PROVINCE-Estudyuhan karon sa Provincial Capitol ang precautionary measures alang sa pakigbatok sa Novel Corona Virus, bisan paman og wala pa kining virus nakasulod sa Pilipinas.
Gihimug-atan ni Cebu Provincial Governor Gwendolyn Garcia nga importante gyud nga tutukan ang pre-entry, entry ug ang kadugayan sa pag-istar sa mga langyaw nga chinese nga musulod sa Sugbo.
Hinoon, gitino sa gobernador nga duna namay mga precuationary measures nga gihimo ang tugpahanan hinungdan nga monitoring ug coordination nalang sa Department of Health (DOH)-7, Mactan Cebu International Airport, ug Cebu Port Authority ang ilang gibuyhat karpon.
Gani dason sa governor nga importante alang usab sa mga pasahero nga tagaan og importansya ang ilang health declaration card. Angayang gyud kini matud pa nga tan-awon kung ‘red’ ba–boot pasabot walay kakuli-an sa pangawas.
Siguroon usab sa mga muhiling niini nga ila kining tan-awon ug dili lang itambak. Makig-alayon usab ang gobernadora sa mga hingtungdang ahensya kalabot niini.
