Nakit-an sa mga awtoridad ang patayng lawas sa usa ka lalaki sa Canal Saint-Martin sa Paris, France, usa ka swimming spot sa mga turista sa miaging mga adlaw.
Matud sa kapulisan nga ang patayng lawas nakit-an sayo sa Sabado sa buntag, diin namatikdan nga ang lawas nanghubag, nga nagpakita nga kini anaa sa tubig sulod sa pipila ka adlaw na.
Wala pa mailhi ang biktima, ug gibanabana nga tali sa 25 ug 35-anyos ang pangidaron, ug ang mga awtoridad nag-imbestiga pa sa hinungdan sa iyang kamatayon.
Sa tunga-tunga sa Hunyo, gitugotan sa gobyerno sa lungsod sa Paris ang paglangoy sa usa ka bahin sa Canal Saint-Martin aron mahatagan ang mga residente ug turista og paagi aron mobugnaw taliwala sa nagkagrabe nga kainit.
Sa pagkakaron, ang paglangoy gitugotan lamang sa lugar sa mga Domingo.
Dugay nang gipasidan-an sa mga awtoridad ang publiko nga mag-amping sa paglangoy sa kanal ug likayan ang paglukso gikan sa mga tulay.
Nailhan usab ang kanal nga usa ka lugar diin gilabay ang lainlaing mga klase sa basura sama sa mga bisikleta, e-scooter, ug mga shopping cart.
Sa samang higayon, opisyal usab nga giablihan sa Paris ang bag-ong panahon sa paglangoy sa River Seine, diin adunay tulo ka luwas ug gibantayan nga mga lugar diin ang publiko makalangoy nga libre.
