Gikabutyag ni Teody Navea, ang Secretary General sa Sanlakas Cebu, nga ang Pax Silica mao ang usa ka teknolohiya nga ipalambo ang mga kagamitan dili lang mga yanong chips, apan lakip na usab ang mga military war fare.
Sa eksklusibong pakighinabi sa Bombo Radyo Cebu kaniya, gipasabot niini nga ang rason nganung nakigbisog ang maong grupo nga mapugngan ang pagtukod sa maong hub tungod kay naghatag kini og peligro sa katawhan ug kinaiyahan.
Dugang pa niya, napanglantawan niya kini nga dakong problema kini sa katawhan ug kinaiyahan gumikan kay matod niya, sa higayon nga madayon kini pagtukod, dakong posibilidad nga ang Pilipinas malambigit sa gubat nga giatubang karon usab sa Estados Unidos.
Busa sa ilahang panglantaw, preparasyon na kini sa umaabot nga gubat labi na ang adunay panagbangi usab ang China ug US.
Kahinomdoman nga niadtong Lunes, Hulyo 27, atol sa SONA ni PBBM, nahimo kini usa sa mga unod sa iyahang pakigpulong.
Subay niini, gikabutyag ni Navea nga grabi ang nahimong promosyon sa kasamtangang administrasyon kabahin sa Pax Silica, ug miingon nga adunay daghang trabaho ug oportunidad niining pasilidad.
Apan supak siya niini gumikan kay kung lantawon ang kabati ug nindut nga epekto niini, mas galabi ang bati nga resulta kung ugaling matukod kini nga hub tungod kay matod niya, aduna ray pipila o liboan ang makatrabaho, nagpasabot nga wala Katunga sa minilyon nga populasyon sa katawhang Pilipino.
