Gianunsyo sa PBA ang 10 ka bag-ong mga players alang sa Greatest Player award dungan sa bulawanong anibersaryo sa liga karong Abril 9.
Diin nangulo sa aktibong mga players mao sila si eight-time Most Valuable Player June Mar Fajardo ug Barangay Ginebra star Scottie Thompson.
Ingon man nga lakip sa listahan ang mga kanhi PBA players nga sila si Abe King, Nelson Asaytono, Jeffrey Cariaso, Bong Hawkins, Arnie Tuadles, Danny Seigle, Manuel Victorino ug Yoyoy Villamin.
Ang nasangpit nga mga listahan nahukman nga iapil sa panel of judges, nga naglakip nila ni kanhi MVP Allan Caidic, Ramon Fernandez, Atoy Co, Dante Silverio, Sonny Barrios, Ding Marcelo, Al Mendoza, Nelson Beltran, Quinito Henson ug Andy Jao.
Matud ni Sonny Barrios, ang chairman sa committee nga gisugdan nila ang proseso sa pagpili diin ang matag usa kanila nisumiter og independent list sa mga nominado sa dili pa tukion ang matag player.
