-- ADVERTISEMENT --
Dili i-tolerate ug dili tugutan ni Presidente Ferdinand Marcos Jr. kung iya kining masayran ang bisan unsang sekreto nga illegal nga kasabutan o anomaliya sulod sa kagamhanan sama sa leadership funds.
Kini ang gipadayag ni Palace Press Officer USec. Claire Castro nga posible nga kini usa ka sekreto tungod kay wala masayod ang Presidente bahin sa maong pundo.
Migawas ang mga taho nga ang pipila ka mga opisyal sa gobyerno adunay pundo sa pamunoan human sa mga gibutyag ni kanhi DPWH Secretary Emmanuel Bonoan.
Busa, gihatagan og pagtagad sa Palasyo nga kon ugaling masakpan ang bisan kinsang opisyal o indibidwal nga nagbuhat og lihim nga transaksyon, dili kini pasagdan ug sigurado nga makadawat gayud og katumbas nga silot sa balaod.
