Gimando ni Presidente Ferdinand Marcos Jr. ang preemptive evacuation sa mga residenteng anaa sa high-risk areas isip pagpangandam sa Super Typhoon Bavi, nga kasamtangang anaa sa gawas sa Philippine Area of Responsibility (PAR).
Matud ni Palace Press Officer USec. Claire Castro, gitahasan sa Presidente ang mga awtoridad nga seguruhong luwas ang mga evacuation center, magbutang og livestock evacuation zones ug sutaon ang mga alternatibong ruta.
Dungan niini, ang pagpatuman sa sea travel bans, pag-inspeksyon sa mga kritikal nga imprastruktura, paghatag og tabang sa mga vulnerable sector ug pagbantay batok sa mga sakit nga hatud sa baha.
Gawas niini, gimandoan usab ang pagpahigayon sa pre-disaster risk assessment scenario meetings, pag-standby sa NDRRMC ug mga regional counterpart niini, pag-isyu og mga alert warning, ug paglusad sa halapad nga information campaign.
Lakip usab sa mga direktiba ang pag-pre-position sa mga rescue team, relief goods, ug mahinungdanong suplay.
Gitumbok ni Castro nga kini usa ka “whole-of-government approach”diin ang tanang nalambigit nga ahensiya obligadong molihon og paspas og koordinado.
