Gipangunahan ni Pres. Ferdinand R. Marcos Jr. ang pag-apod-apod sa tabang ubos sa Local Government Support Fund (LGSF), diin iyang gipasiugda nga ang tanang lungsod makabenepisyo sa programa sa gobyerno.
Sumala sa Presidente, dili lang kausa ihatag ang ayuda kundi unom ka higayon sa usa ka tuig, lakip ang distribusyon sa 10-kilo nga bugas para sa mga benepisyaryo.
Matag barangay makadawat usab og P200,000 ug dugang P100,000 nga pondo alang sa mga proyekto, lakip na ang mga programa sa edukasyon. Giawhag usab niya ang mga batan-on nga magtuon og maayo isip paagi sa mas maayong kaugmaon.
Gipasalig sa Presidente ang padayon nga implementasyon sa mga programa nga makatabang sa katawhan, ug giawhag ang publiko nga maghiusa ug magkinabuhi sa espiritu sa bayanihan.
Sa pikas bahin, gipahigayon usab ang pag-apod-apod sa ₱6.6 milyon nga tabang pinansyal gikan sa Socio-Civic Projects Fund (SCPF).
Ang matag usa sa 33 ka mga barangay sa General Trias City makadawat og ₱200,000 nga tabang alang sa mga proyekto ug programa sa lokal nga gobyerno.
