METRO MANILA-Subling gipasiugda ni Presidente Ferdinand Marcos Jr. ang pagrepaso sa alyansa tali sa Pilipinas ug Amerika, partikular na sa sitwasyon sa West Philippine Sea ug Indo Pacific Region.
Gipunting sa Presidente ang kamahinungdanon sa pag-abli sa komunikasyon tali sa duha ka nasud.
Anaa karon sa Pilipinas si US Secretary of State Anthony Blinken ug US Defense Secretary Lloyd Austin aron motambong sa 2+2 meeting.
Matod ni Pang. Marcos, importante nga tun-an ug tukion pag-usab ang alyansa sa Pilipinas ug Amerika kalabot sa kahimtang karon sa West Philippine Sea ug Indo Pacific Region.
Ang Presidente nagtuo nga ang tubag niini nga mga isyu sa duha ka mga nasud magkauyon.
Dugang pa, nga ang ilang alyansa ug pakigtambayayong sa Estados Unidos mas lig-on gikan sa mga kalihokan nga ang duha ka mga nasud gibuhat sa tingub sa bag-ohay nga mga bulan, lakip na ang trilateral miting nga gihimo sa Washington.
Matod sa Presidente, nalipay siya nga nakita ang duha ka opisyal sa US, taliwala sa iyang giingon nga usa ka makapaikag nga kahimtang sa politika sa Amerika karon.
Dugang pa, nga nalipay siya nga nakakaplag sila si Blinken ug Austin og panahon sa pagbisita sa Pilipinas.
