Gipasabot ni Presidente Ferdinand Marcos Jr. ang iyang pagtimbaya kang Presidente Xi Jinping sa China atol sa APEC Economic Leaders’ Meeting sa Gyeongju, gahapon, Nobyembre 1, 2025.
Sumala sa Presidente, ang paglamano usa ka yano nga lihok sa common nga pagkamatinahuron sa duha ka pangulo sa estado.
Ang mubo nga interaction nahitabo atol sa seremonya sa pagbalhin sa chairmanship sa APEC gikan sa South Korea ngadto sa China, nga maoy mo-host sa APEC Summit sa 2026.
Sumala ni Marcos, iyang giduol si Xi aron pahalipayan siya sa umaabot nga pagpangulo sa China sa APEC, bisan pa sa hugot nga seguridad sa lider.
Dugang niya nga ang pagtimbaya kabahin sa diplomatikong pamatasan ug dili angay hubaron nga usa ka pormal nga panagsulti o usa ka pagbag-o sa posisyon sa Pilipinas.
Nahitabo ang interaksyon taliwala sa nagpadayon nga tensyon tali sa Pilipinas ug China bahin sa isyu sa West Philippine Sea.
Nagpunting ang APEC 2025 sa Gyeongju sa mga isyu sama sa digital trade, AI governance, ug economic resilience, uban sa mga lider nga nanawagan alang sa mas lig-on nga kooperasyon bisan pa sa mga kalainan sa politika.
