Wala nabalaka si Presidente Ferdinand R. Marcos Jr. bahin sa impeachment complaint nga gisang-at batok kaniya sa Kamara.
Kini ang gipahibalo sa Palasyo sa Malacañang.
Matud ni Palace Press Officer ug Presidential Communications Office Undersecretary Claire Castro nga personal siyang nakighinabi sa Presidente bahin sa maong butang ug masaligon nga maagian niini ang hagit nga giatubang sa iyang administrasyon.
Sumala ni Castro, ang Presidente nagtuo nga wala siyay nahimo nga impeachable offense ug klaro kaniya nga ang reklamo nga gisang-at walay igong basehan.
Dugang niini nga masaligon usab si Presidente Marcos nga ang impeachment complaint dili ipadayon tungod sa kakulang sa ebidensya ug kasamtangang mga proseso sa Kongreso.
Gipasiugda sa Malacañang nga ang Presidente nagpabilin nga komitado sa iyang mga katungdanan ug pagsulbad sa mga isyu nga giatubang sa nasud bisan pa sa mga pagsaway ug mga hagit sa politika.
