CEBU CITY-Andam nga magpa-assign sa Sugbo ang kontrobersyal nga si Police C/Insp Jovie Espenido. Kini ang iyahang gipadayag atol sa iyahang pagbisita sa Sugbo niadtong adlawng Biyernes.
Matud ni Espenido nga andam siya kung ugaling hatagan siya og kahigayonan nga ma-destino sa Cebu ilabi na kay nasayod na siya sa mga drug personalities nga anaa sa Sugbo.
Giingong wala siya’y problema kung asa man siya ma-assign ug igo lang siya sa pagbuhat usab sa iyahang katungdanan isip usa ka pulis.
Dugang pa usab ni Espenido nga kung anhi sa Sugbo man gani siya ma-destino sigon niya nga kung mahimo wala na’y patay nga mahitabo sa matag drug operation.
Kahinumdoman nga si Espenido nahimong kontrobersyal sa dihang gipangulohan niini ang operasyon sa Ozamis City diin misangpot sa kamatayon sa Mayor nga si Reynaldo Parojinog ug ang mga kaubanan niini.
