Gibutyag sa Philippine Drug Enforcement Agency (PDEA) ang lawom nga koneksyon tali sa POGO ug mga sindikato sa drugas atol sa Quad Comm hearing.
Diin gipresentar ni PDEA Deputy Director General Renato Gumban ngadto sa Quad Comm ang matrix nga nagpakita kung giunsa pagpatuman sa mga transnational sysindicates ang drug trafficking, money laundering ug ang kuwestiyonableng pagpalit sa mga yuta sa mga langyaw sa Pilipinas.
Nagsugod ang imbestigasyon sa joint operations nga gihimo niadtong Setyembre 24, 2023 diin 560 kilos nga gituohang shabu ang nasakmit sa Mexico, Pampangan nga nagkantidad og P3.6 Bilyones.
Ang nasangpit nga ilegal nga drugas napalgan sa usa ka bodega nga gipanag-iya sa usa ka Willie Ong nga nailhan usab nga Cai Qimeng kinsa incorporator usab sa Empire 999 Realty Inc., nga usa ka dakong kompanya nga nalambigit sa ginadili nga mga kalihokan.
Apil usab ang Golden Sun 999 Realty Inc. ug Development Corporation ug Yatai Industrial Park nga parehong may kalambigitan nilang Ong ug Aedy Yang.
Sa presentasyon sa PDEA, nasuta ang direktang koneksyon tali sa POGO ug mga kriminal nga sindikato.
Ingon man sa kataas nga pagdungong kay nahuman kini ug gisundan dayon sa pagluwat og pamahayg ni Senador Risa Hontivers ang pagtak-op sa POGO sa Senado.
Ug sugdan na kini sa pagsuwat sa taho diin ang mga legislative amendments ug proposals sama sa pagpalig-on sa mga sistema batok sa abuso sa civil registration, registration, ug money laundering.
