Nangandam na ang Provincial Disaster Risk Reduction and Management Council (PDRRMC) sa gobyerno sa probinsya sa Sugbo alang sa umaabot nga epekto sa Bagyong Verbena sa Sugbo.
Diin ang tanang siyudad ug munisipyo ingon man ang ilang tagsa-tagsa ka Disaster Teams gimandoan sa pagpangandam sa ilang mga lugar hilabi na kadtong maapektuhan sa pagbaha ug pagdahili sa yuta.
Kini taliwa sa giangkon sa gobyerno sa Probinsya sa Sugbo nga dili na kini makasarang sa pag-atubang sa laing dakong kalamidad tungod kay nahurot na ang pundo.
Sa gikanayon ni Assistant Provincial Administrator Aldwin Empaces nga P170 milyon na lang ang nahabilin gikan sa P1-bilyon nga Calamity and Disaster Fund sa Sugbo karong tuiga.
Gumikan nahurot ang pundo tungod sa 6.9-magnitude nga linog niadtong Septyembre ug Bagyong Tino karong bulana, Nobyembre.
Apan, bisan paman niana kay ila gihapon paningkamutan nga mapangitaan og pamaagi.
Ingon man nga kung gani mahurot ang pundo kay gamiton na nila ang regular nga budget aron moabag sa bag-o nasab nga hagit sa lalawigan.
