Nagmalampusong nasikop sa National Bureau of Investigation-7 si Randy Caspe Castañares, 47-anyos, ang nagpasiugda sa paghimo ug pagpalusot og mga peke nga mga ID’s, ug anaa nag-operate sa Sanciangko St. atubangan sa usa ka unibersidad sa Dakbayan sa Sugbo.
Subay sa direktiba sa Regional Director sa NBI-7 nga si Atty. Rennan Augustus Oliva, ug ni Judge Jaime Santiago, nagpahamtang sila og usa ka operasyon niadtong Hunyo 5, 2025, nunot sa mga nadawat nga taho, diin si Castañares, mao ang nangu sa pag himo og mga peke nga government IDs.
Sa gibutyag ni Pura, gi-falsify ni Castañares ang mga ID’s susama sa NBI clearance, police clearance, PhilHealth ID, ug uban pa, diin nasakpan nila kini pamaagi sa usa ka gipalusot nga authorization ug ni Regional Director Oliva, kinsa personal nga nihatag sa iyahang direktiba nga aksiyonan dayon kining butanga ug kaso.
Busa nipahigayon dayon sila og test-by ug surveillance operation, ug nakompirmar nga si Castañares, nalambigit sa pagpalsipikasyon.
Dugang niini, sa aktwal nga operasyon, nakuhaan kini sa mga falsified documents lakip ang 3 ka NBI clearances, 2 ka police clearances, 1 ka marine ID, 1 ka PhilHealth ID, ug 1 ka BIR ID, mao nga sa kinatibuk-an, nakuhaan kini og 8 ka mga peke nga nagkalain-laing dokumento. | Bombo Irene Ardiente
