Matag tuig, usa ka talagsaon nga tradisyon ang gihimo sa usa ka Pest Control Company sa Japan, diin ang ilang mga empleyado magtapok sa Myodoji Temple sa Ako City aron mag-ampo ug magtahod sa mga insekto nga “naghalad” sa ilang kinabuhi alang sa panukiduki sa ilang mga produkto.
Sa pinakabag-o nga seremonya nga gitambongan sa kapin sa 60 ka mga empleyado, usa ka pari nga Daoist ang nangulo sa usa ka pag-ampo atubangan sa templo nga gilibutan sa mga litrato sa mga lamok, garapata, langaw, ug mga ipis, mga insekto nga gipatay sa mga tawo apan giila sa kompanya nga usa ka importante nga bahin sa kasaysayan.
Sumala sa tigpamaba sa Korporasyon, ang mga insekto adunay importante nga papel sa panukiduki ug pagpalambo sa ilang mga produkto aron masiguro nga kini epektibo kung gamiton sa mga konsumidor.
Sa ilang pasilidad, adunay gibana-bana nga 1 milyon nga mga ipis ug 100 milyon nga mga garapata nga gigamit sa ilang eksperimento.
Si Tomihiro Kobori, Chief of Research, miingon usab nga ang kamahinungdanon sa paghalad niining gagmay nga mga binuhat dili angay ibaliwala.
Ang seremonya sa transcendence nailhan nga usa ka upat ka dekada nga tradisyon isip usa ka paagi sa pagpakita sa pasalamat bisan kung ang ilang negosyo mao ang pagpatay sa mga insekto.
